ijanyelwe ngu esikhundleni sakhe sokuba ngakenye incenye, kunye
Inomboro kamazisi
ozakubizwa lapha njengoSOKONTRAGA, ngakenye incenye.
Lapha bazakwaziwa ngokuhlanganyelweko njengeenQHEMA.
NGOKUNJALO-KE, iinQHEMEZI ZIVUMELANA NGALINDLELA:
ISIVUMELWANO SOMSEBENZI:
Abakwa- SAPS bazibophelela ukunikela uSOKONTRAGA umsebenzi ngokulandela iinjamiso ezibalwe ESIVUMELWANENI, begodu noSOKONTRAGA uvuma lapha ukwenza begodu azinikele ukusebenzela i-SAPS ngokuya kwamagama kunye namajamo atlolwe kilesiVUMELWANO, e lapha ezakubizwa njengendawo YOKUSEBENZA: ngaphandle kobana uSOKONTRAGA angayalelwa yi-SAPS bona enze begodu azinikele emsebenzini we- SAPS, kwenye nenye indawo yemakhiwo ye-SAPS ngaphandle kwendawo yokuSEBENZELA, ngokwesikhatjhana.
USOKONTRAGA, ngokuya kwesiVUMELWANWESI, angabi nanyana angalindeli ngokwefanelo ukuvuselelwa kwesiVUMELWANESI, nanyana ukuqhatjhwa kwesinye nesinye isikhundla njengomsebenzi we- SAPS.
IinQHEMA zivumelana ngokusebaleni lapha, bona uSOKONTRAGA akanikelwa likontraga esikhundleni sakhe njengomsebenzi ngokuya kwesiVUMELWANESI begodu akunatjhebiswano lemsebenzini elikhona phakathi kwakaSOKONTRAGA kunye ne- SAPS elivela kilesiVUMELWANO.
UMSEBENZI KASOKONTRAGA
Ngaphandle kweenjamiso zesigaba 1.1. ngaphezulu kunye nangokuya kweenjamiso zesigaba 5 no 9 ngenzasi, uSOKONTRAGA uzakufanele bona enze begodu azinikele ekusebenzeleni i-SAPS kesinye nesinye isikhathi nangokuya kweenjamiso ezibekwe yi- SAPS, esikhathini esibaliweko esiyi , kusukela ngelanga lokuthoma ukusebenza lesiVUMELWANESI (qala incenye 12.1 ngenzasi).
Imisebenzi kaSOKONTRAGA izakufaka phakathi ukwenziwa kwemisebenzi eminye neminye yezandla ekhambisana nayo, begodu ebalwa ngokujayelekileko, koke okuphathelene nemisebenzi kaSOKONTRAGA.
UKUTHOLAKALA KUNYE NOKWENZIWA KWEMISEBENZI
USOKONTRAGA uzakwenza begodu azinikele emisebenzini ye-SAPS (qala incenye 3.1. 3.2. ngehla) amalanga amahlanu ngeveke: Ngetjhejo lokobana uSOKONTRAGA angeze asebenzela i-SAPS ngemiGgqibelo nangamaSondo, nanyana ngamalanga wokuphumula womphakathi.
USOKONTRAGA uzakwenza begodu azinikele emsebenzini ngokuya kwehlelo lokusebenza elinanyathiselwe lapha njengesi Namathiselo A.
USOKONTRAGA akanalungelo lokubhadelwa ngesikhathi asaphumula nanyana athathe amalanga wokuphumula, ngokuya kwesiVUMELWANESI.
USOKONTRAGA akakavunyelwa bona athole elinye nelinye ihlobo lelivu ngokuya kwesiVUMELWANESI.
ZOKUTHUTHA:
I-SAPS izibophelele ekuthwaleni uSOKONTRAGA ukusuka nokuya endaweni YOKUSEBENZELA ngomnqopho wokufezakalisa iimbopho zakhe (Qala iincenye 3.1.-3.2. ngehla) ngokuya kwesiVUMELWANESI.
ZAMAPHILO, IPENTJHINI NETJHORENSI YOKULAHLEKELWA MSEBENZI:
USOKONTRAGA akanalungelo lokuthola litho manqophana nerhelebho elinjani lezamaphilo, ipentjhini nanyana itjhorensi yokulahlekelwa msebenzi.
UKUSEBENZA NGOKUTHEMBEKA:
USOKONTRAGA uzibophelela ekuthini abe sebujameni begodu nekusebenzeleni i-SAPS kunye nokwenza imisebenzakhe ngokuya kwesiVUMELWANESI, ngokuthembeka, ngokusebenza kuhle, ukwenza msinyana ngokwekghono loke analo.
UMRHOLO:
I-SAPS izakurholela uSOKONTRAGA ngokutholakala kunye nokwethulwa kwemisebenzi yakhe, imali yekontraga esezingeni le (R - ) wamaranda nge-iri (kuhlanganiswa nomthelo i-VAT): Ngaphandle kobana i-SAPS izakuthi isikhathi nesikhathi, ngokubona kwayo, ikhuphule inani lemali yekontraga isiwe ezingeni eliphezudlwana, nge-iri.
Imbadelo leyo izakukhutjhwa qobe ngenyanga njengesikolodo ngemali esetjenziswa eRiphabliki yeSewula Afrika.
Imbadelo yekontraga ebaliweko (Qala incenye 10.1 ngehla) ijamele umrholo woke kunye namahlelo wokubhadela uSOKONTRAGA: ngetjhejo lokobana iimali ezidoswako ngokuya komunye nomunye umthetho, zizakudoswa emrholweni kaSOKONTRAGA.
UKUNGABEKI MLANDU:
USOKONTRAGA ukhupha i-SAPS emlandwini manqophana nakho koke nanyana ngikuphi ukulimala namkha ukulahlekelwa okuvela ekukhubaleni umzimba, ukulahlekelwa yipilo, ukulahlekelwa nanyana ukulinyalelwa yipahla okungenzeka nofana kungenzeki bona kubangwe yi-SAPS nanyana ngomunye nje umuntu ongakathintani nesiVUMELWANESI (third party), okungenzeka kubangwe nanyana kuvela namtjhana kukhambelana nobutjhapha obunye nobunye obenziwe ngokulayelwa nanyana obenziwe ngabe-SAPS, begodu isusa umlandu we-SAPS kikho koke ukulahlekelwa, ukulimala, iindleko ezimanqophana nanyana ezivela kwenye nenye ikambiso ykhotho uSOKONTRAGA angavela kiyo lapho esinye nesinye isimangalo nanyana isibizo nanyana esinye nesinye isibanga nanyana umlandu ungavela khona.
UKUSEBENZA KWESIVUMELWANO:
IsiVUMELWANESI sizakuthoma ukusebenza begodu sizaba namandla begodu sibophe kusukela ngelanga lelo ekutlikitlwe ngalo mbala isiVUMELWANESI. Nakwenzeka bona isiVUMELWANESI asikatlikilwa sikhathi sinye ziinQHEMA, ilanga lamuva okutlikitlwe ngalo, ngesinye seenQHEMEZI lizakuthathwa njengalanga lokuthoma ukusebenza kwesiVUMELWANO.
ISIKHATHI:
IsiVUMELWANESI, ngokuya kweengaba 13.2 no 14.2 14.3 ngenzasi, sizakusebenza isikhatjhana esibekiweko (qala incenye 3.1. ngehla), kusukela ngelanga lokuthoma ukusebenza kwesiVUMELWANESI (qala incenye 12.1 ngehlapha).
IsiVUMELWANESI singavuselelwa ngokuzikhethela kwe- SAPS ngemvumo etlolwe ngaphambi kwesikhathi evela kuSOKONTRAGA yokobana kungaragelwa phambili kuthathwe esinye isikhathi esibekiweko: Ngetjhejo lokobana i-SAPS izakunikela ngokukhambisana namatjhuguluko afaneleko, isaziso esitloliweko njengokuya kwesigaba 13.2 ngehla, ngaphambi kokuphela kwesiVUMELWANESI (qala incenye 3.1. ngehla), kuSOKONTRAGA ngomnqopho we- SAPS wokuvuselela isiVUMELWANESI.
Okumumethwe ngilesiVUMELWANO kuzakuragela phambili nokuba ngokuphethwe siVUMELWANO, esizabe sivuselelwe ngokuya kwesigaba 13.2 ngehla.
UKUPHELISWA KWESIVUMELWANO:
ISIVUMELWANESI singapheliswa ngaleendlela ezilandelako:
ISIVUMELWANESI singaphela ngokwaso ngemva kwesikhathi esibekiweko, kodwana lokho kukhambisane nesigaba 13.2 ngehla kunye nesigaba 14.2 14.3. (qala incenye 3.1. ngehlapha).
Nginofana ngisiphi isiQHEMA sesiVUMELWANESI kwesinye nesinye isikhathi ngemva kokutlolela mantanzi esinye isiQHEMA, isaziso, ngeminqopho yokuphelisa isiVUMELWANESI.
Emajameni lapho isiVUMELWANESI siphela khona eemvekeni ezimbili zekhalenda (qala incenye 3.1. ngehla), ukusuka lapho sithome khona ukusebenza isiVUMELWANESI (qala incenye 12 ngehla), isaziso selanga linye sizakufanele bona senziwe.
Emajameni lapho ISIVUMELWANESI siphela khona eemvekeni ezimbili zekhalenda (qala incenye 3.1. ngehla), ukusuka lapho sithome khona ukusebenza isiVUMELWANESI (qala incenye 12 ngehla), kodwana koke lokhu kwenzeke enyangeni yinye yekhalenda ukusuka ngelanga lokuthoma ukusebenza kwesiVUMELWANESI (qala incenye 12 ngehlapha), isaziso seemveke ezimbili zekhalenda sizakufanele bona senziwe.
Nakwenzeka bona isiVUMELWANESI siphela ngemva kwenyanga yekhalenda eyodwa tere, ukusuka elangeni lokuthoma ukusebenza kwesiVUMELWANESI, (qala incenye 12 ngehla), isaziso senyanga yinye yekhalenda sizakufanele bona senziwe.
Lokhu kungatjhugululwa kwaphela nakwenzeka, nanyana amathuba amancani khulu (wokobana kube njalo), bona i-SAPS yemukele isaziso sesikhathi esifitjhazana.
Esinye nesinye isiQHEMA kilesiVUMELWANO singaphelisa isiVUMELWANO ngokurhabako nangabe esinye isiQHEMA kilesiVUMELWANO sephula iinjamiso zesiVUMELWANESI.: Lokhu kungenzeka kwaphela nakhibe isiQHEMA esibalwe emathomeni sizakunikela lesi esinye isiQHEMA isaziso esitloliweko sokwephulwa lokho begodu lokho kwephulwa akulungiswa emalangeni amahlanu ukusuka elangeni lokwemukela isazisweso.
UKUHLATHULULWA:
Iinhloko zeengaba zesiVUMELWANESI zinqophiswe ekurhelebheni ekutjengiseni amatjhebiswano kwaphela, ngesibangeso-ke iinhloko azisiyo incenye begodu azithintani nokwakhiwa kunye nokuhlathululwa kweengabezi kwanofana ngayiphi indlela.
Ngaphandle kwalapho kunamatjhayiswano khona nanyana lapho kungakhambisani khona nokumumethweko, ubunye obusetjenzisiweko bubala nobunengi bakhona, okunqophiswe esiliseni kusatjho lokho kowesifazi, nanyana kuphendulelwe ngenye indlela.
ISIVUMELWANO ESIPHELELEKO:
IsiVUMELWANESI sifaka isiVUMELWANO esipheleleko esiphakathi kweenQHEMA begodu singaphezulu kwezinye iimVUMELWANO ezikhe zenziwa ngaphambili ziinQHEMEZI manqophana nalindaba okuvunyelwana ngayo lapha.
IinQHEMA ziyavumelana bona akunamatjhuguluko, izengezo, ukubulawa kwesiVUMELWANO ngokuzwana nanyana ukwenziwa kabutjha kwesiVUMELWANESI ngokuzeleko nanyana incenye nanyana amajamo wakhona azaba namandla nanyana azakusebenza ngaphandle kobana atlolwe phasi begodu atlikitlwa ziinQHEMA zombili nanyana abajameli bazo abagunyaziweko.
Akunakulibalelwa okukhutjhwa ngesinye isiQHEMA okuzakukhumula isiQHEMA emalungelweni waso ngokuya kwesiVUMELWANESI, ngokunjalo, isiQHEMESO angeze sakhandelwa ngokuya kokulibalela kwaso, ekuthini sisebenzise amalungelo waso esinawo manqophana nesinye isiQHEMA, ngokwamalungelo wesikhathini esidlulileko nanyana azakuba khona esikhathini esizako.
UKULAWULWA:
IinQHEMEZI ezingene kilesiVUMELWANO zivumelana lapha ngelawulo lezomthetho i-Transvaal Provincial Division, yeKhotho eKulu yeSewula Afrika (nanyana enye incenye yeKhotho eKulu engathatha umsebenzi ophethwe ngileKhotho esikhathini esizako, esifundeni sakamarhastrada wePitori, eSewula Afrika), manqophana nelinye nelinye igadango lezomthetho nanyana isibizo esiqubuka kilesiVUMELWANO.
INDAWO YOKULANDELELWA KWESIVUMELWANO:
IinQHEMEZI zikhetha iindawo ezilandelako njengezokulandelelwa kwesivumelwana, endabeni yokunikela izaziso, ukubhadelwa iimali ezithileko, ukwenziwa kweenkambiso ezithileko neminqopheni evela kilesiVUMELWANO:
Umtjhade
Ngaphandle kobana i-adresi ebaliweko ingatjhugululwa ngesaziso esitlolelwe isiQHEMA esinye, begodu izakusebenza amalanga alitjhumi ngemva kwelanga isaziso esikhutjhwe ngalo: Lokhu kuzakuba njalo godu nakhibe i-adresi etja ekhethwe siqhema esazisako izakuba nanyana izakufaka phakathi ne-adresi yokuhlala (physical address) lapho iinkambiso zizakufezakaliswa khona.
Esinye nesinye isaziso esikhutjhwa ngokuya kwesiVUMELWANESI singethulwa ngesandla, nanyana sithunyelwe ngeposo erejistiweko begodu yabhadelelwa ngaphambili: Ngaphandle kobana esinye nesinye isaziso nanyana umtlolo wangokomthetho wethulwe kwesinye isiQHEMA manqophana nanyana yini nanyana isihloko esivela esiVUMELWANESI, nanyana ngisiphi isaziso sizakuthathwa njengesethuliwe nakwenzeka bona sinikelwe umuntu onokuziphendulela endaweni ekhethwe ngesinye seenqhema njengeyokulandelelwa kwesiVUMELWANESI. Emajameni anjalo akutlhogeki bona isaziso nanyana umtlolo wangokomthetho unikelwe isiQHEMESO mathupha.
Esinye nesinye isaziso esikhutjhwa ngendlela ebalwe ngehlapha, sizakuthathwa njengesethulwe ngefanelo-
nasethulwe ngelanga esitlolwe ngalo nasethulwa ngesandla;
ngelanga lekhomba ngemva kokuposwa, kubalwa nelanga lokuposa, nakhibe sithunyelwe ngerejista ebhadelelwe ngaphambili; kunye nangelanga esidluliswe ngalo ngomtjhini nasithunyelwe ngefeksi.
IGADANGO LOKULILISWA NGOKOMTHETHO:
Elinye nelinye igadango lokuliliswa ngokomthetho ngabakwa- SAPS, lifanele bona lifakwe ngokuya kwesigaba esifaneleko nesisebenzako somThetho wezamaPholisa weSewula Afrika, 1995 (umThetho oyinomboro 68 ka 1995), nanyana ngomunye umthetho olandelako.
YENZIWE BEGODU yaTLIKITLWA ZIINQHEMA zesiVUMELWANESI eendaweni kunye nemalangeni atlolwe manqophana namagama wabathintekako:
ABOFAKAZI:
Mina, (lapha ngizakwaziwa njengoMRHUMUTJHI) ngiqinisa lokhu okulandelako:
Bona okumumethwe kilesiVUMELWANO kuhlathululelwe uSOKONTRAGA.
Bona, uSOKONTRAGA uyavuma bona uyazwisisa koke okumumethwe ngilesiVUMELWANO.
UMRHUMUTJHI
Mina, uSOKONTRAGA, ngiqinisa lapha lokhu okulandelako:
Bona, okumumethwe kileSIVUMELWANO kuhlathululiwe begodu ngarhunyutjhelwa khona mRHUMUTJHI.
Bona, ngiyavuma bona ngizwisisa kuhle koke okumumethwe ngilesiVUMELWANO.
ABOFAKAZI:
SOKONTRAGA
